Lettura in corso...
“In sardu si podet narrer totu” – arrejonu subra sa limba con Lilliu, Masala e Bandinu

“In sardu si podet narrer totu” – arrejonu subra sa limba con Lilliu, Masala e Bandinu

Custu est su contu de un’arrejonada in sa redazione de “Sa Republica Sarda” iscritta dae Paulu Pillonca: arrejonan tra issos Giuanne Lilliu, Cicitu Masala e Bachireddu Bandinu. Custu atobiu est istadu publicadu in su mese de Ladàmine de su 1991 de su giornale.

Bandinu: “Pesso chi a s’incominzu est menzus chi sos pizzinnos incrian sa limba in su faeddu insoro, in sas paraulas insoro”; “…Ma a imponner una limba unica est periculosu”.

Lilliu: “Apo chistionau e fattu chistionai, donniunu sa varianti sua. A pagu a pagu nd’at a benni sa limba comuna. Ma no esti un’attu de forza, est un’attu de libertadi”.

Masala: “De su restu, s’italianu b’at postu chimbe seculos pro arrivare a una limba unica. Dae Dante a Manzoni…” ; “…sa limba non la faghen sos grammaticos, la faghet chie la faeddat e chie l’iscriet”.

Bandinu: “Sa limba nos rendet totu su chi cherimus. Si nois provamus, sa limba no nos mancat. Cando a nois nos paret chi sa limba non arrivat, est ca non semus abituatos, non b’hamos jocatu meta in cussu jocu. Ma cando nois intramus in su jocu, sa limba derettu, comente un’ispezia ‘e miraculu, s’abberit e ti narat totu”.

Lilliu: “No apu agatau e no agatu nisciuna difficultadi po iscriri in lingua sarda. Pensu chi sa lingua si pozzat isviluppai de prusu si nc’esti sa libertadi po iscriri de totu”.

Masala: “Sa limba sarda est sa limba pius bella ‘e su mundu proite so cunvintu chi sa terra inue so naschidu est oe sa terra pius bella ‘e totu su mundu”.

Leggete l’intero articolo nell’Archivio Storico di Sa Republica Sarda !

Cosa ne pensate di questo articolo?
Non mi piace
0
Mi piace
2

Fondato da Gianfranco Pinna / Registrazione del Tribunale di Cagliari del 10/3/1979 n. 375
Direttore responsabile: Maria Marongiu
Direzione, Redazione, Amministrazione: 09045 Quartu Sant’Elena (CA) - Via Mercadante, 1 - P.IVA 02802070926 info@sarepublicasarda.it

© 2020 ALFA EDITRICE. Tutti i diritti riservati 
CREDITS STUDIO JEM